КООМДУК УГУУ ТУУРАЛУУ КУЛАКТАНДЫРУУ

Урматтуу Октябрь (Маман) айылынын тургундары!

2025-жылдын 16-октябрында саат 14:00дө, айыл өкмөтүнүн имаратынын алдында коомдук угуу өткөрүлөт.

Иш-чара Кыргыз Республикасынын 1999-жылдын 2-июнундагы №45 “Жер кодексинин” 15-беренесине,
Министрлер Кабинетинин 2022-жылдын 31-майындагы №291 токтому менен бекитилген «Жер мунапысын жүргүзүү тартиби жөнүндөгү жобонун» 6, 7, 11 жана 25-пункттарына,
Ак-Суу райондук мамлекеттик администрациясынын 2022-жылдын 8-июлундагы №235 жана 2023-жылдын 12-майындагы №198 тескемелерине,
ошондой эле Ак-Суу райондук комиссиясынын 2024-жылдын 19-мартындагы протоколдук чечими жана 27.05.2025-жылдагы №55 токтому («Алтын-Арашан айыл аймагынын Октябрь айылы боюнча мунапысынын чектерин, курулуш долбоорун жана менчик ээлеринин тизмесин бекитүү жөнүндө») негизинде уюштурулууда.

Коомдук угууда Октябрь айылындагы №84 контурдагы 68, жана №164 контурдагы 23 жер тилкесин жеке турак үй куруу үчүн жарандардын менчигине берүү маселеси талкууланат. Иш жүргүзүү Кыргыз Республикасынын Өкмөтүнүн 2005-жылдын 6-майындагы №177 токтому менен бекитилген «Жеке менчике жеке турак үй куруу үчүн жер участогун берүү жөнүндөгү жобого» ылайык жүргүзүлөт.

Айыл өкмөтүнүн комиссиясы бардык тургундарды өз убагында, кечикпей келип катышууга чакырат.
Сиздин пикир — айылдын келечеги үчүн маанилүү.