Токомбаев Акылбек Ракымбекович
Алтын-Арашан айыл аймагынын жергиликтүү кеңешинин төрагасы.
Билими: Жогорку. 1999–2005-жылдары Кыргыз мамлекеттик юридикалык академиясынын «Юриспруденция» факультетинде билим алып, юрист адистигине ээ болгон.
Эмгек жолу:
2005–2009-жылдары Кыргыз Республикасынын Ички иштер министрлигине караштуу Мамлекеттик атайын күзөт кызматынын Каракол шаардык бөлүмүндө кармоо тобунун милиционери болуп иштеген.
2010–2013-жылдары Октябрь айыл өкмөтүнүн башчысынын орун басары кызматын аркалаган.
2016–2019-жылдары Ысык-Көл регионалдык шаар куруу жана архитектура боюнча башкармалыгынын «Бирдиктүү терезе» бөлүмүнүн жетекчиси болгон.
2016–2021-жылдары Октябрь айылдык кеңешинин депутаты, төраганын орун басары жана төрагасы болуп иштеген. 2021–2024-жылдары аталган айылдык кеңештин депутаты болгон.
2021-жылдын июль айынан 2024-жылдын сентябрь айына чейин Ысык-Көл регионалдык шаар куруу жана архитектура боюнча башкармалыгынын «Мониторинг жана координация» секторунун башчысы кызматын аркалаган.
2021-жылдан тартып «Маман Органик» айыл чарба коммерциялык кооперативин жетектеп келет.
2024-жылдын 29-ноябрынан тартып Алтын-Арашан айыл аймагынын жергиликтүү кеңешинин төрагасы.
Батамбекова Жаныл Согушбековна
Алтын-Арашан айыл аймагынын жергиликтүү кеңешинин жооптуу катчысы.
Билими: Жогорку. 2003-жылы МИППтин Каракол филиалын бүтүргөн. Адистиги — «Финансы жана кредит», квалификациясы — экономист.